Hans og Gréta 17.500,-
Barnaskeið sem smíðuð var frá því um 1936 frammá miðja síðustu öld (þangað til  handgrafinn stansinn brast).  Í gamla stansinum leynir sér ekki handbragð Jens Guðjónssonar og reikna má með því að hann hafi teiknað skeiðina. 2005 var stansinn endurgerður að kröfu okkar tíma um styrk en oft var stansaefni að skornum skammti áður fyrr.

Barnið. 17.500,-
Ein elsta barnaskeiðin sem enn er smíðuð og margir sem komnir eru yfir miðjan aldur kannast við að hafa fengið í skírnargjöf. Sú hefð að gefa barni silfurskeið er aldagömul. Silfur táknar velsæld og góða heilsu því silfur er verðmætt og sótthreinsandi efni. Bakteríur lifa aðeins skamma stund á silfri 

Barnaskeið "Svanur" (sérpöntun) 14k/585 gull 350.000,- silfur kr. 17.500,-

Klukkuskeið 17.500,-

Klukkuskeiðin, sú eina sanna. Á hana er grafið nafn, dagsetning, þyngd og lengd barnsins. Hún kostar 17.500,- og er handsmíðuð á Íslandi úr 925 sterling silfri.

Frakkaskjöldur

Við smíðum 6 gerðir af frakkaskjöldum úr silfri að sjálfsögðu.  Þeir eru góð trygging þegar fólk þarf að leggja frá sér verðmætar yfirhafnir auk þess að vera mjög fallegir. Við áletrum samdægurs sé þess óskað. Leturgerðir eru fjölmargar auk þess sem við handgröfum ef vill..

Rauðhettuskeið 17.500,-

Nú nýverið hófum við smíði á Rauðhettuskeið og gaffli eftir fallegri teikningu Gunnars Bernharð. Áður voru skeiðarnar smíðaðar af silfursmiðjunni Plútó á árabilinu 1954 til 1960.

Mokkaskeið, víkingaskip.
Nú er kaffimenning mið-Evrópu komin til okkar því er 6 skeiða sett með þessum mokkaskeiðum tilvalin gjöf til kaffiunnenda.

Rós grautaskeið 
Rósarmynstrið er hannað af Karli Guðmundssyni myndskera í kringum 1950 og er til í mat, dessert, kaffi og fjölda aukahluta.

Ostahnífur í Ernumynstri sem framleitt hefur verið frá 1936, á því 75 ára afmæli á þessu herrans ári 2011.