Nú eru allir 13 sveinarnir mættir:
Stekkjastaur, Giljagaur, Stúfur,
Þvörusleikir, Pottaskefill, Askasleikir,  Hurðaskellir, Skyrgámur, Bjúgnakrækir, Gluggagægir, Gáttaþefur, Ketkrókur og nú er Kertasníkir karlinn líka kominn. Þeir eru allir fáanlegir í smiðjunni okkar við Skipholt.

Að neðan, eldra efni:

Ársskeiðin og jólaskeiðin 2007

Stefán Snæbjörnsson hannaði ársskeiðina.  Hann sækir efni í náttúru landsins einsog gert er í servíettuhringnum að neðan.  Það er Bláber, sem litað er með nýrri aðferð, sem sjá má efst á skaftinu.

Skrautið á jólaskeiðinni á að tákna Granatepli. Uppruni þeirra er í Íran. Granateplið táknar upprisuna og kraft frelsarans.

Gripirnir á þessari síðu, jólasveinaskeiðin, servíettuhringurinn, ársskeiðin og jólaskeiðin (jólaskeið Ernu) eru smíðaðir úr 925 sterling silfri af íslenskum silfursmiðum.  Frá 1946 smíðaði Erna jólaskeiðarnar kenndar við Guðlaug A. Magnússon (stofnanda Ernu) og frammá síðasta áratug síðustu aldar. Árið 2003 kom fyrsta jólaskeiðin kennd við Ernu.

Hrútaber.

Í stað jólasveinanna hófum við smíði á servíettuhringum, að sjálfsögðu úr silfri. Sá fyrsti kom 2005 og skartaði þjóðarblóminu Holtasóley.  2006 var það Hrútaber sem prýddi hringinn, 2007 Hrafnafífa, 2008 Gleym-mér-ei, 2009 Blóðberg, 2010 Blágresi og nú 2011 Lambagras. Ætlunin er að ár hvert komi nýr hringur með mynd úr flóru Íslands. 

Ársskeiðin 2006

Stefán Snæbjörnsson hannaði þessa fallegu skeið.  Það er Krækiber, sem litað er með nýrri aðferð, sem sjá má efst á skaftinu.

Jólaskeiðin 2006

Fiskurinn er eitt elsta tákn kristninnar.  Á grísku: IXOUS, I (i) Iesous/Jesús, X (k) Christos/Kristur, O (þ) Theos/guðs, U (u) Uios/sonur, S(s) Sotar/frelsari.

Jólaskeiðin 2005

Táknið á skeiðinni er hinn svokallaði ankeriskross ásamt alfa og ómega. Alfa og ómega tákna einsog menn vita upphaf og endi. Ankeriskrossinn tengja menn við ankeri, tákn kærleika. Einnig er til skemmtileg kenning um að þessi kross tákni Krist þ.e. krossinn og Maríu mey hálfmáninn.